വിനീത് ശ്രീനിവാസൻ കഥയെഴുതി സംവിധാനം ചെയ്ത് 2024 ൽ പുറത്തിറങ്ങിയ സിനിമയാണ് വർഷങ്ങൾക്ക് ശേഷം. പ്രണവ് മോഹൻലാൽ, ധ്യാൻ ശ്രീനിവാസൻ എന്നിവർ പ്രധാന വേഷങ്ങളിലെത്തിയ ചിത്രത്തിൽ നിവിൻ പോളിയും അതിഥി വേഷത്തിലെത്തിയിരുന്നു. നിതിൻ മോളി എന്ന കഥാപാത്രമായാണ് നിവിനെത്തിയത്. ഈ കഥാപാത്രത്തിന് വലിയ സ്വീകാര്യതയും ലഭിച്ചിരുന്നു. ഒറ്റയ്ക്ക് വഴി വെട്ടി വന്നവനാടാ എന്ന ചിത്രത്തിലെ നിവിന്റെ ഡയലോഗും സൂപ്പർ ഹിറ്റായി മാറി. ഇപ്പോഴിതാ സിനിമയിലെ ഈ കഥാപത്രം ചെയ്യാൻ ആദ്യം മടിച്ചിരുന്നുവെന്ന് പറയുകയാണ് നിവിൻ. സുധീര് ശ്രീനിവാസന് നല്കിയ അഭിമുഖത്തിലാണ് നടന്റെ പ്രതികരണം.
‘വിനീതിന്റെ വിഷനായിരുന്നു ആ കഥാപാത്രം. ആ ക്യാരക്ടര് ചെയ്യാന് ഞാന് കുറച്ച് മടി കാണിച്ചിരുന്നു. ഇത് ശരിയാകുമോ ഇല്ലയോ എന്നുള്ള ഭയമെല്ലാം എനിക്കുണ്ടായിരുന്നു. പക്ഷേ ഞാന് വിനീതിനെ വിശ്വസിച്ചു. വിനീതാണ്, നമ്മുടെ ആദ്യ ചിത്രം നല്കിയ സംവിധായകനാണ്. അതുകൊണ്ട് അദ്ദേഹത്തെ വിശ്വസിച്ചു. ടെന്ഷന് ഒന്നും ഇല്ലാതെ, ചുമ്മാ പോയി ബ്ലാസ്റ്റാക്കി തിരിച്ചുവന്നു. ആ ചിത്രം കൂടുതലും ഒരു ഇമോഷണല് മൂഡിലാണ്. നിതിന് മോളി എന്ന കഥാപാത്രമാണ് ചിത്രത്തെ വേറെ ഒരു മൂഡ് കൊണ്ടുവരുന്നത്,’ നിവിന് പോളി പറഞ്ഞു.
See the trust Nivin Pauly has in Vineeth❤️Beyond fame & money🫵Trust is everything🤝A beautiful lesson for the new generation of stars🤝value trust, loyalty & relationships above success👏#NivinPauly on Varshanghalkku Shesham pic.twitter.com/vj1Qn1gbBE
അതേസമയം, അതേസമയം, നിവിൻ പോളി നായകനായി എത്തിയ ബെത്ലഹേം കുടുംബ യൂണിറ്റ് വലിയ വിജയം നേടി മുന്നേറുകയാണ്. 300 കോടിയ്ക്ക് മുകളിൽ കളക്ഷൻ നേടി ചിത്രം ഇൻഡസ്ട്രി ഹിറ്റായി കഴിഞ്ഞു. അതിനും മുൻപേ കേരള ബോക്സ് ഓഫീസിൽ ഏറ്റവും കളക്ഷൻ നേടുന്ന ചിത്രമായും BKU മാറിയിരുന്നു. ഗിരീഷ് എ ഡി സംവിധാനം ചെയ്ത ബെത് ലഹേം കുടുംബയൂണിറ്റിൽ നിവിൻ പോളിയും മമിത ബൈജുവുമാണ് പ്രധാന വേഷത്തിലെത്തിയത്.
നിവിന്റേതായി തിയേറ്ററിൽ എത്താൻ ഇരിയ്ക്കുന്ന ചിത്രം 'യേഴു കടൽ യേഴു മലൈ' ആണ്. ഒക്ടോബർ ഒന്നിന് ആഗോള റിലീസായി തീയേറ്ററുകളിലെത്തും.നിവിൻ പോളി, അഞ്ജലി, സൂരി എന്നിവരാണ് ചിത്രത്തിലെ കേന്ദ്ര കഥാപാത്രങ്ങളെ അവതരിപ്പിക്കുന്നത്. വി ഹൗസ് പ്രൊഡക്ഷൻസിന്റെ ബാനറിൽ സുരേഷ് കാമാച്ചി ആണ് ചിത്രം നിർമ്മിക്കുന്നത്. ഗൗതം രാമചന്ദൻ ചിത്രം റിച്ചിക്ക് ശേഷം നിവിൻ പോളി തമിഴിൽ അഭിനയിച്ച ചിത്രം കൂടിയാണിത്.
Content Highlights: Actor Nivin Pauly spoke about his role in Varshangalkku Shesham, saying he had concerns initially but trusted director Vineeth Sreenivasan’s vision. He shared his thoughts on the character’s journey and the experience of working on the film.